Blikksmiðjan

Kør til leikarar á Stadium við Djúpumýru

elsesjurdaberg@icloud.com — Thu, 02 Sep 2021 14:06:20 +0000

Í samband við útbygging á Stadium við Djúpumýru í Klaksvík, arbeiddu Petur Oluf og Joen Petur uppá at gera nøkur kør til leikararnir. Huskotið er, at hava ísvatn í kørunum, soleiðis at leikararnir kunnu seta seg í eitt ís-kar eftir venjingarnar.

Rørstubbar til “Rudda Føroyar”

elsesjurdaberg@icloud.com — Tue, 10 Aug 2021 14:09:00 +0000

“Rudda Føroyar” bílegði nøkur stubbarør, ið skulu síggja út sum sigarrettir. Hugskotið er, at stubbarnir skulu síggjast ígjøgum glasið, so hvørt rørini fyllast.Dan hevur skorið út við vatnskeraranum, meðan Hans José hevur sett rørini saman.

Lagt rør í nýggja bygningin hjá IRF

elsesjurdaberg@icloud.com — Sun, 01 Aug 2021 14:11:00 +0000

Í samband við at brennistøðin hjá IRF í Leirvík byggir út, hava vit í Blikksmiðjuni lagt rør í nýggja bygninginum. Niðanfyri eru nakrar myndir av tí arbeiðinum Olivinus og Erik hava gjørt í skrivstovunum.

Lærlingar útlærdir sum rustfríðir kleinsmiðir

elsesjurdaberg@icloud.com — Sat, 17 Jul 2021 14:15:00 +0000

17.07.21 vóru lærningarnir hjá okkum Andrias og Dávid, útlærdir sum rustfríðir kleinsmiðir.Teir báðir fingið sera flott úrlit av sveinaroyndini og Andrias fekk harafturat heiðursgávu fyri besta úrslit á danska skúlanum, HANSENBERG!Hjartaliga til lukku við sveinabrøvunum og vit ynskja tykkum alt tað besta framyvir!Ynskir tú at vera lærningur á Blikksmiðjuni?Blikksmiðjan bjóðar tvær ymiskar útbúgvingar til lærningar: Rør- og blikksmiður og rustfríður kleinsmiðjur. Vit kunnu bjóða tær er eitt læruríkt og mennandi arbeiðspláss við nógvum fjølbroyttum avbjóðingum. Sum smiður hjá Blikksmiðjuni fær tú nógva vitan og royndir innan handverkaravirksemi. Tær uppgávurnar vit taka á okkum eru alt innan rørsmið, blikksmið og jarnsmið. Ert tú áhugað/ur at arbeiða hjá okkum, ert tú vælkomin at skriva til okkum. Send umsókn tína til davur@blikk.fo og tú frættir aftur frá okkum. Vit kunnu lovað tær, at allar umsóknir verða viðgjørdar í trúnaði.

Arbeiði í Angus liðugt

elsesjurdaberg@icloud.com — Fri, 09 Jul 2021 14:20:00 +0000

So varð okkara arbeiði í Angus liðugt. Angus hevur valt at knýta seg at sjógvhita-skipanini hjá Klaksvíkar Kommunu, og vit hava lagt rør við tí endamálið at framleiða grøna orku. Á viðfestu myndunum sæst tilgongdin av arbeiðinum ið Jasmin, Gert og Ingi hava gjørt. Vit takka fyri gott samstarv og gleða okkum til at matstovan letur upp í nýggjum kørmum

Skurðmynd á Borðoyarvík

elsesjurdaberg@icloud.com — Mon, 28 Jun 2021 14:25:00 +0000

Hava tit sæð nýggju skurðmyndina uppi í Borðoyarvík? Nú er Kavari aftur á Stabbanum á Hellisenda. Skurðmyndin er gjørd úr stáli og skorin út við 3D vatnskeraranum hjá okkum. Ólavur Samson eigur hugskotið, Archibald Black hevur sniðgivið og Kjartan Hansen hevur sveisað saman til listaverk.

https://portal.fo/dagur-43608/kavari-aftur-a-stabbanum-a-hellisenda.grein?fbclid=IwAR2Q4PgD7OqmHKmlQ6sdgNnan5x5XXlat8kzmzmtQhuT_oGHNXgJ89po1Qg

Bjálving umborð á Tasiilaq

elsesjurdaberg@icloud.com — Tue, 22 Jun 2021 09:57:00 +0000

Umborð á skipinum Tasiilaq, ið hevur ligið til umvælingar hjá MEST, hava Petur Oluf og Joen Petur arbeitt við at kappa bjávla. Tá ið ein kappar bjálva, bjálvar mann fyrst heitu rørini og síðani klæðir mann bjálvingina við einum tunnum rustfríðum kappa. Endamálið við kappanum er at verja rørini móti umhvørvinum, og somuleiðis at verja umhvørvið móti kulda.

3D vatnskering

elsesjurdaberg@icloud.com — Wed, 16 Jun 2021 10:02:00 +0000

Hevur tú brúk fyri onkrum, ið skal skerast?Vit hava ein av bestu 3D vatnskerarunum, sum eru tøkir á marknaðinum. Hann kann skera úr tilfari sum eitt nú stáli, glasi, plastikki, timburi, gróti og mongum øðrum.Ring til okkum, og vit kunnu fáa tað skorið út fyri teg!https://youtu.be/JWV2gUc7XFU

Grøn orka í Angus matstovuni í Klaksvík

elsesjurdaberg@icloud.com — Tue, 15 Jun 2021 10:03:00 +0000

Í seinastuni hava vit arbeitt við grønari orku í komandi Angus matstovuni í Klaksvík. Á myndunum niðanfyri eru tað Gert, Ingi og Jasmin sum arbeiða við rør legging. Angus hevur knítt seg at sjógvhita-skipanina í Klaksvík, tí leggur Jasmin rør meðan Gert og Ingi bjálva.

Borð og vøsk úr stáli

elsesjurdaberg@icloud.com — Sat, 06 Jun 2020 10:07:00 +0000

Í samband við bygging av Skúlanum á Skúlatrøð hava vit framleitt borð og vøsk úr stáli.